ISRAEL MIPHUN : Group song

Israel miphun hna cu-, kanaan ram panh in an kal' an kal lio' ah har sat nak tam ko
hmanhseh.....Chun ah minmei in a hrua hna-, zan ah meiceu in a hruai hna-,kanaan
ram' nuam lei panh in an kal lio ah.

Keizong van kanaan ram panh in kan kal lio asi-, kan kal lio ah
harsatnak cu tam pi ko hmanh seh- , aww cu hmun ka phak tik ah
ngaichia thabaat nak vial te, bawipa tinhmi, ramnuam kan phaak tik ah.

Ramcar chung an kal lio ah-, hruaitu MOSES sin ah cun-, bawipa pathian' thawn nak cu
a rak lang i......., lungpi chung tifim an ding, manna changreu in an khim, kanna ram' nuam lei
panh in an kal lio ah.

Kan nih zuumtu mihna zawng-, hi leiram kan kal lio ah', kan kal lio ah harsatnak tam ko
hmanh seh......, bawipa pathian tthawnnak in, kan zumhnak kan peek ah cun, kanaan ram' nuam
dawh cu kan phan ttheu lai.

NA TLAI SUAL MAW- By Elizabeth

Buan chukcho a rak tlun lio ah khan, Noah a nih sawh mi vialte cuLawng an khar ni ah kan pi ka pu cing le laa tiin, Au len hna hmanhseh

an nih caah, San a tlai lo khua a tlai tuk cang, I hngilh na bu in vawlei khua

caan nih liampi ai hna..

Maw hawidawt nan nun ṭha tein ruat, na tlai ve sual maw?

Daithlan awk a ṭha lo kan nun hi, ni ṭha lo hna nih, An phanh

hlan ah hin Pathian dawtnak, Vel le kutka chungah lut ve cang

Pathian vel lawnglawng, zumtu hna kan hlawhtlinnak a si.

Vawlei khual tlawnnak lawng i cit in, Jonah bang lam a pialmi kan tam,
Sual ngaihchih in rak kir law Jesuh venmi lawng chungah, Khrih thlarau nih a venmi lawng cu, Tithuk le ngapaw pi chung zongin, A chanhchuah hna i, thiang thlarau he lawm in khual an tlawng.

Khual tlawnnak le nga tleihnak caah, Rili kam ah lawng tampi an pon,
Sihmanh lawng ciocio ah kan Bawipa Jesuh Khrih nih, Piter citmi lawng

theng kha fuh, Cu bangin zumtu kan nih zong hi, Bawi Jesuh Khrih nih a

fuh panh duhmi nun ngei kan herh, Noah a nih sawh mi vialte cu.

LAWM USIH BY : Jenifer

Aw.. Heord siangpahrang tual khi zoh hmanh uh,
Aw.. Herody fa nu te cu a lam ee,
Aw.. Profet Johan lu tan in darkho in an lam pi i,
Mivial te hna nih an zoh ee..

Aw.. nihin ah Thlarau mi le fa hna cu,
Aw.. lei le van siam tu Pathian tual nuam ah,
Aw.. a Thlarau rosung pek mi a dawtnak zungzal nunnak,
A khamh nak bia tak kan lomh ee..

Lawm u sih lawm cio u sih a dawtnak,
Hlorh u sih hlorh chin u sih a khamh nak,
Lei mi nih an hngal lo nun pek tiang dawtnak,
Ka pum hmanh mei khangh tiang in pe ning law,
Ka Bawi dawtnak le a vel rul kho lo,
Ka thangṭhat mi te hi Bawipa ai lawm ko..

Aw.. Israel mi cu lawm in an au ee,
Aw.. raltei nak Pathian kuang an sin a phan,
Aw.. an aw thawng nih vawlei pi cu a tlerh i a hninh dih,
Nunnak dih lak in an au ee..

Aw.. Thlarau Israel fa dawt vialte zong,
Aw.. kan nun ah teinak Pathian kuang a phan,
Aw.. ca caah kan lam pi i cu caah kan au pi i,
Nunnak dih lak in kan au ee..

Aw.. Rili sen ram ah Meriam a lam ee,
Aw.. siangpahrang David lawm in a lam ee,
Aw.. thisen in khamh mifa le Penticos Thlarau Thianghlim,
A co tu hna zong kan lam ee..

Aw.. a rawk kho mi vawlei thil kan lawm lo,
Aw.. a ziam kho mi vawlei par kan lawm lo,
Aw.. zungzal in nunnak rosung Taksa le Thlarau damnak,
Vancung pennak cu kan lawm ee..

Aw.. lei mi cu vawlei puai ah an lam ee,
Aw.. lei mi cu ei le din ah an lam ee,
Aw.. lei mi cu vawlei bawi le uktu le peng tu hlorh in,
Sunpar nak pek in an lam ee..

Aw.. kan nih cu van lei ro thil kan lomh ee,
Aw.. kan nih cu lei van Bawi kan hlorh ee,
Aw.. cu caah kan ning zak lo hmai hngal in kan lampi lai,
Nunchung caan tawi te chung ah hin..

JESUH CU = By Hellen Tial Cer

Jesuh cu ka nunak a si, Jesuh cu ka damnak a si, Jesuh cu ka caah
siibawi tha a si, a mah thawng in kei cu ka nung, a mah thawng in kei
cu ka dam, cucaah phawr hlawt ding zei hmanh ka ngei lo.

(Jesuh cu ka zeizong a si)2, cucaah vawlei thil
dang vialte nak in, Jesuh hi ka tleihchan bik ko
Jesuh ah zeizong te a tling, Jesuh hi kai phawrhlawtnak
sangbik a si.

Jesuh cu ka pa can a si, Jesuh cu ka nu can a si
Jesuh cu ka caah u le nau a si, Jesuh cu ka mitthli hnawt tu
Jesuh cu ka thilrit chawng tu, Jesuh cu ka caah hnangamnak a si

Jesuh cu ka dinnak a si, Jesuh cu ka felnak a si, cucaah sual phuhrunnak
ngei ti lo in, Pathian fa ro cu tu ka si, vancung ram mi le fa ka si, Jesuh cu
lam le biatak nunnak a si.

Jesuh cu ka hawi tha a si, Jesuh cu ttan pi tu a si, Jesuh cu ka lei ba cham
piak tu a si, Jesuh cu ka luatnak a si, Jesuh cu ka rumnak a si, Jesuh cu ka
lunglawmhnak sang bik a si.

VOIHNIH THIHNAK - BY Shalom Revival team

Bawipa kut chuak Vawlei thil hi, a rau hlan ah, a bia bangin an lo lai,
Deirel fidi le nikaa zong an lo lai, Pathian thinhunnak a phan lai,
Ṭhen nak in rian a ṭuan lai, Nihin a mah nun ngei tu lawng an him lai.

Ralrin u sih, caan dong tik ah, Tuu le Meheh ṭhen a si lai
Tufano Cabu chung i, min ṭial lo mi vialte cu
Mei lei kat-alh nih voihnih thihnak chung ah, an kal dih lai.

Ka pa tiin, au mi poah nih, vancung pennak chung ah an lut kho lai lo,
Pathian duhnak tuah tu hna lawng an lut lai, Nihin zumtu ṭha ten ruat
tuah, Pathian duhnak tuah ṭung lo in, Jerusalem thar luh ding na tim sual maw?

Dawtmi cungkhar Nu le Pa hna, nan hrin fahniang he Bawipa ah nan tling maw?
Nan dam chung ca lawng ruat in daithlang ti hlah, na nun chung caannak in ṭih nung, thih hnu thlan pin lei cuan law, van sui khuapi ah chungkhar nan tling lai maw?

KA SER KO BAWIPA

Ka ser ko Bawipa,
Zungzal na fa ah,
Ka ser ko Bawipa,
Nang bang si ka duh)x2

Um sertu na--si kei tlak ka si,
Nangmah duh bang--in
Run ka ser siam ko.

Ka ser ko Bawipa,
Zungzal na fa ah,
Ka ser ko Bawipa,
Nang bang si ka duh

Music solo......

Ka ser ko Bawipa,
Zungzal na fa ah,
Ka ser ko Bawipa,
Nang bang si ka duh)x2

BAWIPA MAWHCHIA KAN TONG SUAL LAI : Duet Bil sung le hawi

Laimi Khrihfa mi tampi kan nun ning zoh ah, khrih cawnpiaknak ngai duh
loin, mi cungcuan kan duh hnahchuahnak thinlung kan ngei, Bawikhrih
thinlung fah ter tu kan si.

Laimi Khrihfa nu le pa, bawipa thluachuah kan hmuh mi
Hi zei rel lo in kan um sual maw, nunnak ngeitu Bawi a si
kha hawi dawt philh hlah, awipa mawhchiatnak kan tong sual lai.

Micheu khat nih khamh ka fiang ka hrinṭhan kan ti, hawi dang cu mithi kan
ti hna, chuahpi chungkhat u nau hmanh kan daw kho hna lo, chungkhar
buainak chuahpi tu kan si.

Mirum mi lian tampi hna nih kan ngeihchiah cu, sifak bawmhnak ca hmang
lo in, entainak le porhlawt-ruamkainak ah kan hmanh ,awidang mitthli luan
ter tu kan si.

Mi cheukhat nih Bawipa ram rian ca'h pumpek in, nunnak pek in kan ṭuan
kan ti, sifak ngakṭah zawnruah ah ram dang lei kan panh, A donghnak cu
kan mah ca a si.

KAN NUNNAK - By : Zing Zing

Kan nunnak caah, tha di zaang ba in kan ṭuan, hnipuan fenheih ca'h, lung
rethei in kan ṭuan ee, Inn lo khuasa ca'h, lungduh chunmang kan manh tawn
Hmanhseh thluachuah hrampi cu Pathian a si.

Kan nunnak ah hin, zawtfah harsatnak a tam, kan damnak caah, Sii-ai bochan
in kan nung, kan nun chungah hin, Duhdim nunnak lawng kan cuan, Hmanseh thluachuah hrampi cu Pathian a si.

Maw Bawipa kan nunnak na si, kan zeizong nangmah ca'h an si
Kan nunnak cu na kut in, na hruai i thluachuah na pek, na ṭhatnak
in kan hrai cu a liam, na dawtnak in na kan domhtlaih, na veel nih kan
hna a ngam ter.

Van ruah hna nih, na thluachuahnak cu an phuan, cerlian ninu nih, na ṭhawnnak hmual an lang ter, Aw... zilthli fimte nih, na veel lianngannak an hmuhsak, Na thluachuah kan nunnak ca'h a za .. OH..

Hawi dawt ruat ve hmanh, nitin kan nunnak ah hin, caan tawite chung hmanh,
a thluachuah kan rel bal maw? dawt hlawhlo misual, a kan dawtu Bawipa sin
A thluachuah ca'h lawmhnak kan chim tawn maw?

BAWIPA NIH A HNGALH DIH - by Ngun Thawng Cin

Ka minung si nak in, ka ruah sual mi thil vialte

Bawi Jesuh nih hngalh lo in um hnga maw?

Ka minung si nak in, ka tuah sual mi thil vialte

Bawi Jesuh nih hngalh lo in um hnga maw

Zeizong vialte ser tu Bawipa…

Nang na hmai ah zeihman thuh khawh si lo...

Ka minung si nak in ka sual nak hi Bawipa

Ka ngai thiam law zaang thar ka peko

Thlachuah petu Bawipa Jesuh

Kei ka nunnak lam hruaitu nang si ko.

Ka minung si nak in ka chim sual mi thil vialte

Bawi Jesuh nih hngalh loin um hnga maw?

Ka mi nung si nak in ka zoh sual mi thil vialte

Bawi Jesuh nih hngalh lo in um hnga maw?

Zeizong vialte sertu Bawipa..

Nang na hmai ah zeihman thuh khawh si lo

A TEI CANG BY : Far Hlei Sung

Lei le van ser tu Bawi rome ralkap nih an hngal lo
A zultu Judah nih a vun hnamh i mifir bang an tleih i
Hremnak fakbik an tuarte tufano te vailam cung ah an thlai.

Toidornak in vailam cung i a hramnak aw
Ka pa zei kan tuah ti an hngal lo an sualnak
Ngaithiam hna tiin vailam cung ah a hram
Toidornak in vawlei cu a tei cang.

Van Bawi fahniang vailam cung in an thlai lio ah khan
Chunmui a tlung li fak pi in ai hnin sunghno a nu Mary
Ka fahniang zeihen kan ton tiin a fa dawt thlatang ah ṭap.

HIMNAK BAWI ASI : BY Sui Van Pen

Galilee rili pi cungah, Jesuh le zul tu hna, khual an tlawn lio ah

Thlichia a hrang, tilet a tho i, zultu hna thingphang ngaiin maw

vansang an au.

Jesuh cu lawngcung a dir i, thlitu le ti let cu dai tein an um Hi mipa

hi mi zei hen si hnga, zultu hna khua ruah, har in Bawipa cu an zoh.

Lunglawm in thangthat liannganbik Bawipa

Harsat nak vialte a tei tu Bawipa, Leicung

kannunnak, thlichiahrang hmanseh fektein

i tlaih himnak Bawi a si.

Hi leicung kan nunnak ah hin, pumsa le thinlung in, kan derthawm

caan ah, hnangamnak tling mizei sin hmanh in kan hmuh khawh lai

lo a, fiang Bawipa ti lo cun.

Liannganbik kan biak Pathian thangtha chin ko seh, Zungzal in kan i

dawrnak himnak Bawi a si, Lunglawm in thangthat.

KHUA KHANTU BAWI - by MiMi

Zumhawk tlak Pathian, Bochan tlak Pathian
Kan zawnruat tu Bawi ngeitu kan si ee..
Phanawk a um lo nunchung caan tawi ah
Tuu khal tha kan ngei Hallelujah...

Jehovah Jireh khua khangtu Bawi,
Jehovah Shalom daihnak Bawipa,
Jehovah Rapha kan damnak Bawipa,
Jehovah Shammah phan ding um lo.

Nuhmei le ngaktah sifah hlaw lo in
A kan au tu le a kan cawisang tu,
Thleidan a ngeilo Bawipa thatzia hi
A mah ta kan si a sung tuk ee..

A tuu ruun kan ca'h zaang raam lo tein
Kan herhbau ning in a kan pek zungzal,
Jesuh kan fimnak kan teinak tawnnak
Jehovah Zidkenu kan felnak Bawi.

HREMHMUN AUTHAWNG - BY Gloria Cinte

Thlarau lei mitin khua hei cuan ve hmanh, hmunkip le ramkip ah, tahnak
aw a thang, khamhtu ngei lo in nifatin an liam, hawngtha bia phor in a tu
kal uh sih..

Hmunkip le ramkip ah, thlarau rawltam in, kan ramah rain kan
bawm uh tiin, nang le kei vanram nunnak ngeitu nih. kan chim
lo cun maw hrem an tuar sual lai.

Kanmah nunnaak caah maw Bawipa cu, kan zumh in kan pawm unau
ruat ve hmanh, hngalhlonak ruang i hremhmun lei panh lai, Zaang an
fah lo maw nun ngeilo mi hna.

Mitthlam in cuan hmanh hremhmun harnak cu, kum le caan dongh ti a
um bal lai lo, ungzal in zungzal tahnak hmun meipi, an ca'h ngeihchihnak
caan a um ti lo.

Hremhmun lei panhtu nih an ca'h khamtu Bawi, thei hna sehlaw
zungzal an thangthat lai, n ang le kei vanram nunnak ngeitu nih
kan chim lo cun maw hrem an tuar sual lai.