Timote kuat-khat dal ruk canghra nak ah mi cheu nih Tangka duh tuk ruang ah zumhnak an kal tak Tangka duh hi ṭhat lonak chuah tertu hram pi a si Tiin ca thiang nih fiang te'n a kan cawn piak
Nihin lai mi tampi nih Pathian le dollar umnak Hmun hma thleng in dollar lam lei cu kan panh Thlarau ca Pathian kan biak taksa ca dollar kan biak Kik lo lum lo, Laimi nun ṭiah a nung tuk
Kumza dar tlinnak tum in Laimi khrihfa kan ti Kan mitthlam ah ngun tangka thlam lawng a leng Biatak nun le thawngṭha cu dollar ah kan zuar ai cang Tangka mitcaw, Lai mi khrihfa kan tam chin
Pathian thluachuah pekmi ram Lairam a ceu cang kan ti Siseh hnangam daithlang in um hlah hawi dawt Bawipa, Bawipa, tiin a au mi poh vancung pennak An lut lai lo, Jesuh nih fiang te'n a chim https://www.youtube.com/watch?v=o8_OA1MDoRI
Jesuh nih a zultu hna sin ah vawlei cung ramkip ah kal u law Zungzal nunnak thawngṭha rosung cu Va chim hna u a ti bang hawidawt nang le kei chim ding fialmi kan si A caan um lio ah kal in chim usih hawidawt kan tlai sual lai
Laimi Khrihfa nu le pa ruatṭhan rih na cham dingmi leiba Nang le kei luatnak ca'h nunnak thisen pe siang kan Bawi Khrih A kan fial bangin hramtu ngei lo thlarau tlaumi hna sin ah Nunnak changreu le nunnak ti thiang cu kal in pe hna usih
Khrih dawtnak thawngṭha sung thei loin a vaimi caah nunnak pek in Rian ṭuantu hna tleicia kan hawidawt CCOC thisen au-thawng cu ngai duh loin hnu lei chiata hlah A caan um lio ah tho Bawipa fial bangin tho in ṭuan hna usih
Hawidawt na nunnak hi ruatṭhan rih na ngeihmi sui-ngun chawva hna le Rumnak hi khua zei in dah na hmuh Van le Vawilei sertu Cungnungbik Bawipa thluachuah a si kha philh hlah Kan hmuh mi a thluachuah relṭhan buin Bawipa thangṭhat usih
Tiva pi zong a reu i, tiva te zong a reu Vanruah a sur lo caah rili pi zong a reu Elijah au ṭhan usih kan ram ruahsurnak ca Tihal tuar le rawlṭam in kan ram mangṭam a tlung Elijah sawm uh
Elijah tho cang tuah thlarau vanruah sur kan herh tuk cang Khrihfa-bu kip zoh tikah thlarau ti a reu cang Siangpahrang Ahap te chungkhar zong lungre a thei Elijah sawm uh
Thlarau ruahsur lonak ram biatak mangṭam a tlung Cucaah Pathian mi hna cu au ṭhan hna usih Thlarau in kan thi dih cang nun tertu pa kan herh Kan ram nih lawmhnak hmu seh thlarau biathli kengtu Elijah sawm uh.
Chum le minmei zam hmanhseh vanruah hang a tla lo Ti keng mi chum an si lo chummui cuang lawng an si Kan ram ah thlarau tel lo muisam keng kan tam ca Thlarau vanruah sur kho lo rocar in kan um ee Elijah sawm uh.
Bawipa kong cu ka lungchung ah ka riahter ti lai lo i A min zongin bia ka chim ti lai lo ka ti ah A bia cu ka lungchung ah hin mei bang in a alh i Ka ruh chung ah hin an i khumh chim lo in ka um kho lo
Chim dingin fial chihmi ka si ṭhu kho loin fial ka si A sunglawimi khawmhnak thawngṭha mikip nih an theih khawh nakhnga Vawlei nih ka do hmanhseh, vawlei nih ka ral hmanhseh Thah ding in ka bawh hmanh hna seh, ka chim lai Bawipa dawtnak
Bawipa nih biathli a ka chimh vawlei caan a dih deng cang Pawrhlawt ruamkai caan a si lo ralring caan a si Sehtan nih hell lam panh in hnuhchihmi kan hawidawt hna Chanhchuah dingin fialchih kan si daithlang in na um sual maw
Hawidawt nupa u le nau hna Bawipa dawtnak ruaṭhan hmanh Sualman thihnak hell mei chung in a mah nih an khamh Na thih ding a mah a thi nangmah aiawh in a tuar Nunnak chawva thlacamnak he dawtnak biathli phuang ve cang
Ka ruah ah ka lungthin nih a phan kho lo Bawipa remruat Micheu nih vawlei chawva suingun kawl in an vah lio ah kei misual hi Bawipa nih a bia chim le tlikpi ding rian a ka timh hi Vawlei mi zohnak ahcun hruhrian a si an ti ko lai
A poi lo ka chim ko lai thlarau fialmi riansung asi Kan ram nih zumhnak hmuitinh kan kheng kho lo A poi tuk e na ruat bal maw Pathian cu thlarau a si a biatu nih thlarau biatak in biak a herh Na ti bang in ka chim ko lai ka nun chung cu
Pathian nih ka thiangthlarau cu nan chungah ka khumh lai i Ka phunglam zulh in nan nung cang lai a ti Pathian phung cu thlarau a si Amah hruai in kan kal i kan zulh ahcun kan tlau lai lo Kan ca'h a herh thluachuah ngeitu nunnak ngeitu Bawipa a si
Vawilei nih a dolh lai i a lo te lai, vawlei pum hi rinh awktlak a si lo ee Kum sawmsarih kum sawmriat chung ca lawng an si Thih hnu thlanmual pin lei nun na ruat bal maw na ngei cang maw Zumtu unau a rauh hlan rak kir cang tuah thlarau ram ah
Bawipa Pathian, Na tuahmi thil vialte hi Ka ruah tik ah, ka lung nih a phan lo Arfi le khuadawm le khuari hna nih khin Na thilti khawhnak kha an langhter ko
Ka khamhtu Bawi, nangmah kan thangṭhat ko Zeitluk in dah na lianngan ko Ka khamhtu Bawi, nangmah kan thangṭhat ko Zeitluk in dah na lianngan ko
Fing le tlang le, ramlak ah ka chawh tik ah Thingkung cung vate aw dawh ka theih hna Tlangsang cung in, Khua le ram ka vung cuan i Tiva te le thlizil thawng ka theih hna
Pathian nih a fapa kha zuah hin loin Kei mah ca thihawk ah a run thlah cang Vailam cung ahka sualnak kha a phorh i Sualnak chungin ka luatnak hnga a thi
Thangṭhatnak he Khrih nih a ratṭhan tikah Lawmhnak inn ahcun a ka kalpi lai Khi tikah a hmaiah kun in ka biak lai Pathian na lianngannak kha ka chim lai
A dawtnak in a kan kawltu Zaangfahnak in a kan khamhtu Velngeihnak in a kan cawitu Khuaruah a har, ka chim thiam lo Hitluk tiangin a kan dawtu An chim Vanram hmanh ah an um lai lo.
A lu cung i hling lukhuh le An tuknak vual le hma ahcun Damter in kan um cang, Hallelujah! Lei le van hawl in a za lo Kan cung Pathian a kan dawtnak Fapa Jesuh Khrih a cotu kan si
Mifim pawl mualphoter ding le Mirum hna ningzahter awk ah Santlai lo rual a kan au tu Khuaruah a har, chim thiam a har Dawtnak vialte cung I dawtnak A zaangfahnak cu kan nunnak a si
Kan sualnak le palhnak bangin Kan cungah lehrul siang loin Miṭha bang a kan kilveng tu Nifatin kan herhmi vialte Sian lo ngei lo a kan petu Bawipa a ṭha, a ṭha Sunglawi chin seh
Ka nunnak lamthluan ka zoh ah Ka sualnak phuntling kei ka hmuh Bawipa hmai, ka zoh ngam lo Ningzak in Bawipa cu ka panh Ka sual he Vailamtah ka fuh ( A Dawtnak ) in a ka cawi
A Dawtnak in a ka khamh Keimah thiam ruangah si lo Mi chambau, misual kei cu A Dawtnak in a ka cawi
Thlichia le tilet an thawh bang Ka sual nih ka nun a den ee Ka nunnak re a theituk Lungdong in Bawipa cu ka panh Vailamtahnak hram ah ka ton A Dawtnak in a ka cawi
Sifak le chambau in kei ka nung Zawtnak phunkip nih a ka tlunh Ka nunnak tha a ba tawn Ka zaangfah hram law tiin ka au Misual kei ka thlacamnak cu A Dawtnak in a ka leh
Pathian sining kong ka ruah ah A tlamtling kho lo ka nunnak Ka sual hmanh ka thei kho lo Siseh Bawipa cu kei ka fuh A tlamtling lomi ka nunnak A Dawtnak in a ka cawi
Zumhawktlak Joseph nun kan zoh tikah chuah sempi rual nih sarhsat zomhteih in nunnak hlo siang tiang fak khun in hlaw ko hna hmanhseh
Bawipa nih a umpi, a thi lan lo miphun dang tlungkal sinah an zuar Siseh nikhat caan khatkhat ahcun mi lianngan ngai ah a hung cang
Pathian a bochanmi, rawhnak taktak an phan bal lo Hallelujah thangṭhat tuah, a lianngan Jehovah Pathian himnak Bawipa bochan tuah, a ṭhawnnak cu kan caah a si
zumhnak ah ralṭha mi, harnak chung ah an caan a dongbal lo zeibantuk harnak chung kan um hmanh ah luatnak kan hmuh lai ding hi a fiang cu tin nikhat caan khat ahcun nihlawh tlingmi ah kan hung cang lai, Bawi Khrih thawngin
Zohchuntlak Daniel nun kan zoh tik ah siangpahrang ral lian nih tleihkhih sualphawt in nunnak hlo ding tiangin chiandeih thong chung thla hna hmanhseh
Bawipa nih a umpi a thi lan lo Sahrang thongchung ah himnak a hmu cu tin mi vialte hmuh awk in Bawipa sunparnak a hung lang
Pathian a bochanmi, rawhnak taktak an phan bal lo Hallelujah thangṭhat tuah, a lianngan Jehovah Pathian himnak Bawipa bochan tuah, a ṭhawnnak cu kan caah a si
zumhnak ah ralṭha mi, harnak chung ah an caan a dongbal lo zeibantuk harnak chung kan um hmanh ah luatnak kan hmuh lai ding hi a fiang cu tin nikhat caan khat ahcun nihlawh tlingmi ah kan hung cang lai
Judah tlangval pathum Mesak, Sadak, Abenako an zumhnak ruangah meiphu chungah an paih hna sihmanhsehlaw an him ko, an thi lo Bawi Khrih thawngin
(Hallelujah thangṭhat tuah, a lianngan Jehovah Pathian himnak Bawipa bochan tuah, a ṭhawnnak cu kan caah a si)x2
zumhnak ah ralṭha mi, harnak chung ah an caan a dongbal lo zeibantuk harnak chung kan um hmanh ah luatnak kan hmuh lai ding hi a fiang cu tin nikhat caan khat ahcun nihlawh tlingmi ah kan hung cang lai cu tin nikhat caan khat ahcun nihlawh tlingmi ah kan hung cang lai, Bawi Khrih thawngin.
Khrih ah unau, nu le pa thlarau in nan dam cio maw? kan vawlei sining ruah ah Jesuh bia a tling ko cang cheukhat chawva rumnak lawng, cheukhat duhfah hauhkauhnak ramkhat le ramkhat i doh in tah le buainak in aa khat. Siseh zumtu nangle kei nih kan zumhnak thlah hin lo in Vawlei mi nih lei mit auh in leipar dawh partlan hmanh hnaseh Vawlei kan nun caannak in thih hnu pinlei aa sau deuh Lam le biatak nunnak Jesuh a kut fek tein i tleih.. Micheu chungtling in an len micheu thihnak nih a then hna ram cheukhat thancho lio ah ram cheukhat vansang an au siseh kan nih laimi phun kan lung dong hin hlah seh mu Bawipa ah i hngahtu si law Bawipa i bochan ko usih. Leiah phorhhlawh duhmi nih Khrih vailam lawng i phorhhlaw seh phorhhlaw pitlak vawlei ah sermi thil ah an um lo tur bang khuaibang awi in kan nuncaan a liam zau lai lei kan pumsa ca'h si lo in Thlarau ca'h ruat deuh usih.
Hitluk man sunglawi, khuaruahhar thil um lo Tahchunh khawh si lo, ruahchannak sungbik Na ka umpi.. Ka temh le ka hmuh, a thlumcem na dawtnak Ka thlarau cu a luat i, ka ningzahnak a tlau Na ka umpi.. Pathian Thiang Thlarau kan in sawm ko Hi hmun ah i phuang law run khat hrim ko Na sunparnak hmunh kan thin nih an hlam Na hmai ah tam, hal in kan hun ra Bawipa Na hmaika ah.. Na kan umpi pimi, rak kan hngalhter chin lengmang Na sunpar thawnnak, rak kan hmuhter maw Bawipa
Lungthin thar kan pek hna lai i thlarau thar nan chungah ka khumh lai. Nan pum chungin lung bantukin a hakmi nan lung kha ka lak lai i titsa bantukin a nemmi lung kha kan pek hna lai. Ka thlarau cu nan chungah ka khumh lai i ka nawlbia he aa tlak in kan umter hna lai i ka phunglam zulh in nan nung lai.
Cu bantuk thimathiam cun A der ngaingaimi kan si caah Thlarau zong cu kanmah bawmh awkah khan ara.
Bawipa minung hi zeidah a si i a zawn na ruah Minung hna hi zeidah a si i na hnak karah na tenh Misual hna a kan daw biktu na si nak hi Ka ruah ah Bawipa ka lung nih a phan lo Na dawtnak hi kan nih misual ca’h a za ko Bawipa na min thangṭhat si ko seh Na sunpar le na lianngannak cu thangchin ko seh Dawttlak lo a kan dawttu cawisan tlak lo a kan cawisangtu Kei misual sal santlai lo a dawtu Bawipa zeizong vialte hi Nangmah sunparnak tu ah sihram ko seh Bawipa na min kan thangṭhat.. Leidip men si mi hi zeidah a si a kong na ruah Zaangfah tlak lo kei misual bik hi na hnak karah na tenh A niamnak in a sannak hmun a kan cawisang Phunsang phunniam thleidan loin Na dawtnak hi khuazakip ah thang chin seh Bawipa na min thangṭhat si ko seh Na sunpar le na lianngannak cu thangchin ko seh Dawttlak lo a kan dawttu cawisan tlak lo a kan cawisangtu Kei misual sal santlai lo a dawtu Bawipa zeizong vialte hi Nangmah sunparnak tu ah sihram ko seh Bawipa na min kan thangṭhat Dawttlak lo a kan dawttu cawisan tlak lo a kan cawisangtu Kei misual sal santlai lo a dawtu Bawipa zeizong vialte hi Nangmah sunparnak tu ah sihram ko seh Bawipa na min kan thangṭhat Hallelujah! Bawipa na min kan thangṭhat.
Nunthup biathli ro sunglawi Tuaktannak nih a phan lo Thiang Thlarau pekmi Rawltam mi ca nunnak changreu Nun tihal mi hna ca nunnak cerhti nung.. Ai thlengbal lo Jehova kan biak Pathian Sunparnak le lianngannak na ta siseh Lawm lo kho kan si lo na dawtnak vel ruangah Upatnak kan in pek lianganbik Pathian.. Sifak mi hna kan Pathian Lungdong mi hna ruahchannak a kan petu Bawi Mihrut hna ca fim chimtu le A caan te ah tum coptu kan biak Pathian.. Zawtnak phunkip teitu Bawi Sual ngaihthiam in dam lawmhnak a kan petu Bawi Lawmhnak mithli nih biachim seh Hi vial hi kan pek khawhmi na ta an si..
Hawidawt Bawi Jesuh nih nangmah an dawt bik cem Nangmah nak in dawt deuh mi ho hmanh a ngei lo Jesuh nih dawt tuk mi lunglawm le hmai penh in Na Bawipa Jesuh cu thangthat law i lawm tuah.. Thangthat tlak Bawi Jesuh sunhlawitlak Bawi Jesuh Kan nunnak le kan dam nak kan si Bawi Ngan Bik Kan nunnak dih lakin thangthat ti hna usih Kan thangthat nih vawlei le van cul dih seh.. Micheu nih vawlei sui le ngun chawva an kawl Kan nih cu kan Bawipa duhnak kawl hna usih Micheu nih vawlei nuamnak par an tlan lio ah Bawipa sunparnak ca kan nun hmang hna usih.. Hawidawt na nunnak uktu Bawi zeidah a si Vawlei chawva pumsa duhnak an si sual maw? Kan nunnak ngei tu le dawtu a si bang in Kan nunnak uktu Bawi Jesuh si ko seh..
Kum caan saupi Jesuh Khrih hnu zulh in lam ka kal hnu ah Hngalh fiangmi pakhat ka ngei, hmuh fiangmi pakhat ka ngei Jesuh Khrih fiang te'n ka hngalh, keimah fiang tein kaa hmuh.. Thiang Thlarau thawngin ka dam Thiang Thlarau thawngin ka tuan Thiang Thlarau thawngin ka thawng Amah thawng in kai lawm ee Minung lei in aa si lo Ka chungah Jesuh a nung Keimah kha ka si ti lo.. Ka tiksa cu zawrchuh hmanhseh ka Thlarau nun cu ai lawm Zeitik hmanh ah a tlai bal lo, a mi hna bawm nak pek ding ah Ka hmailei kong ka tih ti lo, Jesuh Khrih ka ngei caah.. Thinlung kuai le mitthli tlak nak chung ka um lio zongah Tanhpitu le bawmtu Thlarau, harnak le buainak chung zongah Ka lei tang tu Pathian Thlarau a si ee Hallelujah..