MASEDONIA AUTHAWM

Hmaban ramthar khi thinlung mitthlam in hei chuan hmanh law,
zei ka biak ti theih lo in, lei par an tlan ee, pathian kut neh an si ve,
siseh an i hngal thiam lo, Bawi khrih thangttha bia in chan, chuak ding
rian kan ngei.

             Masedonia authawm bang kan unau rammui lei in, kan bawm
             ulaw kan bawm uh tiin an au ee, na nunnak maw na pek lai,
             na chawva dah na thlah lai, atu in na fiang cang tuah, khua
             a tlai hlan ah.

Unau tampi cu thangtha ruang ah ih merem lo in, hi hmun hi bawipa na ram
ah kan ser hlan cu, kan tuan kan chim lai an ti, kam seh in thlaza an cam, khrih
rian a si hngeh sehlaw ti'n, mitthli he an tap.

Sam tlaih lo ngaktah khi bang, hringtu pa hngalh fiang lo in, nun caan ahmang 
mi hna ca, nihin zumtu nih, zohsawh awk an ttha ti lo, hringtu pa an hngalh nak
hnga, kal in va chim hna usih, khrih dawtnak thawngtha.

https://www.youtube.com/watch?v=_WaqGFEX5i8

A CAAN AH KA TAP

A caan ah ka tap, a caan ah kai lawm, A caan ah thangchia
ka ing tawn, a caan ah cawnglawmh nak ka tong tawn i,
lei nun hi theih thiam aw a har ee

      Sihmanhseh.......Mawi BAWIPA
      Bo chanding.......dang an um lo
      Nangmah lawng.....kan bochan
      Zungzal ko........Haleluiah
      Ka thlacam......nak aw nem
      Na theih i.........na ka leh ko
      A zungzal........zungzal tiang
      Kan thangthat lai, mawi bawi jesuh.

Kan bawipa jesuh an tleih lai zan ah, kesama ni duh ah thla
a cam, a zultu hna nih an hngilh tak dih i, thla cam uh tuk
forh nan tong ati.

A zungzal thlacam, a zungzal i lawm, nan duh mi ka hal
uh ati, zeithil nan ton mi kip zawng ah lung si, hnngam in
rak um ko uh ati.

https://www.youtube.com/watch?v=dMIvTitKcWE

A FAK EE

Ruah zawn ah ka tuar khohrim lo ee, van bawi fah fungin an
tuk chih ee, cil an chak, hling luchin an chinh ter,kei ruang ah
luruh tlang lei a panh.

             Afak e, a fak tuk hringhran ko, kei misual bik ruang
             vailam cung ah, a hnak ah feizum in an hei chunh, a fak tuk,
             ka bawipa a tuar nak.

Vailam ah thir in an vun khenh chih, sersat nak in thithur kha
an dinh, a ral hna ca lukhun thlacam in, kapa an sual ngai
thiam hna ati.

Lungkuai tuk sunghna a nu mary, vai lam tung tlaih in ttah
len ser ee, fapa dawt ngai saram bang thlaih cu, sunghna nu
merem kho hrim lo ee.

https://www.youtube.com/watch?v=d-xe_dsYWAw

KAN LEI HI HMAN THIAM HNA USIH

Minung kan pum chung ah hin, ahme bik asi nain, athawng bik mi cu

kan lei hi asi, fah nak le lawmh nak petu, thih nak le nunnak petu, asi 

ca'h lei hi hmanthiam a herh.

       Pathian nih kan ca hrang ah, attha bik in aser mi, kan lei hi hman

       thiam mi si cio usih, mi bawm tu le fin nak bia, a chim tu ah hmang

       usih, kan lei ah nunnak cerh ti lungseh.

Ticung um ngangan bik le, tlangcung saram lei sau bik, hna nih cun an lei

pawcawm nak an hman, minung bal nih sualnal le, biachia chim nak ah kan

hman, cu cu zumtu hna kan ral asi.

Nunnak thawngttha a chim i, thih nak kong zawng a chim tu, cu kan uk khawh

loh mi kan lei asi, vawilei cung thil nung lak ah, athawng bik mi asi ca'h, kan lei

ah hin kan sining a lang.

https://www.youtube.com/watch?v=uOp3O1ZSuIo

HI LEIRAM MI KAN SI LO

Hileiram mi kan si lo, khualtlang kal lio mi kan si, hmailei
chuan in kan kal chin lai, hi vawlei hi hnu chit in, kan panh
lio van in dawh cu, hilei ram mi kan si lo.

                     Atlat ram dawh bik ah cun, lungvar in khardawh
                     bik cu, kan ca a hun lio a si, sui lungvai khuapi dawh
                     ah kan lut cang lai, i lawm usih hilei ram mi kan si lo.

Zungzal bawipa khua le ra, dawtnak bawi ro copi tu, A mah ceunak
hrawmpi ding le, a tei nak cotu kan si, vawilei hi lo dih hmanhseh law,
kan zungzal hmun van asi.

Zungzal rammi kan si ee, van bawi fa dawtmi hna cu, hi lei ram i kan
len chung ah, zungzal kan bawipa ceu nak, a dawt nak le a that nak,
he kan nun ah lang chin seh.

https://www.youtube.com/watch?v=dQuMBiwilOI

THLA CAM NUN

     Thlawchuah petu pathian sin, thlacam kan daithlang sual maw?, khrihfa chungkhar
cio ah khrih mui a chuang maw? retheih le van sang caan lawng ah, a hlam mi kan
si sual maw?, chung khar ah khrih a bawi maw? thlacam nun hi kan ngei maw?

      Thlacam cu... akan ngeitu pathian sin, siaherh lungduh biaza phaiti hi asi,
      ho hmanh sualnak ngeihchih buin, ka sin thla acam micu, ka ngaih thiam 
      hna lai i an ram ka dam tei lai ati.

    Khrifa zumtu nule pa, thlacam nun hi kan ngei maw? inchung kharcio ah hlacam
kan daithlang sual maw? zeithil poah tuah kan timh tik ah, amah hna tlak pi kan
herh, zumtu hna kan raithawi nak, cu thlacam nun hi asi.

Zumtu vialte thlacam nun, in innchung khar ser usih, inn chungkhar ah, jesuh BAWI 
a si ah cun, midang nih bawikhrih thei lo in, lei par dawh tlan hna hmanhseh, zumtu
hna innchung khar cu, bawikhrih kan thangthat cang lai.

https://www.youtube.com/watch?v=B4MHbfD2HF0

THANGTHAT TLAK KAPA

Bawipa na riantuan nah ahhin, harnak le beidongh caan atam, sehmanhseh chirnak ngei
lo in ka tuan ko lai, na ro pekmi kilkawi dingah, ka nunnak hi hmangchin kapa, mualpho
dingmi ka nunnak na kut chung kan pek.

        Cung in a zungmi va hna le ramlak saram hna a cawmtu, ni hin kan ca a
        herh mi tlam a tlin ter tu, ei-awk ngeilo hna a cawmtu, ngakttah buangro
        hna i PATHIAN na min sung cu, kan cawi sang lai,thangtthat tlak
         biak awk tlak kapa.

Lungdongh caan le vuivai caan ah, nan sin kan um pi hna na si, lungkuai caan le 
ngaihchia caanah hnem tu na si, nunih a chungchuak fa hna hna cu philh hmanh
sehlaw kei mah nih cun, kan philh kho bal hrim hna lai lo titu kapa.

Mi tampi nih lei fimnak le, suile ngun tlaih chan hna hmanhseh, ka zei poi lo, BAWI
Jesuh khrih ka ngeih hnu cun, nuhmei nu chiti umkhat nih kum thum chung a cawm
tu kapa, na fale ka herh mi a ka bawmtu bawipa.

https://www.youtube.com/watch?v=MT22-nx5-vY