MIDANG RIANTUAN PIAK TU DING AH By : Bil Sung

Van le Vawilei zeizong vialte sertu cungnungbik, fapa ngeihchunh
pe siangtu Pathian,n a dawtnak hi a sung tuk e vawlei mi kan caah,
a thuk in a sang hrinhran vawlei khuaza ram kim ah, Ka au pi lai
na dawtnak thawngṭha cu.

Jesuh nih hi tin a chim vawlei cung, khuaza kip ah Ka thawngṭha
va chim u a kan ti, thisen cawkcia Bawipa dawtnak thei lo mi hna
sin ah, kan ngeihmi chawva hmang in, pawipa dawtnak thawngṭha
cu kan nunnak pekin, phuang hna usih.

Laimi Khrihfa kan nunzia hi hawidawt na ruat bal maw, kei cu hrinṭhan nun
ka ngei kan ti , siseh mi dang ca harsatnak tuar cu kan duh lo, zumtu ṭha kan
hei i ti, kan lungput nunzia zoh ah,Khrih muisam nunzia dawh a leng ti lo .

Bawipa nih rianṭuan piakmi si awk ah ka ra lo, midang rian ṭuan piaktu si ding
le, mi tampi tlanhnak ding ca i ka nunnak pek awk ah, vawlei ah ka ra a ti bang hawidawt kan nunnak hi, midang ca'h san tlai in hmang hna usih.

DAWTNAK LAK AH CUNGNUNG BIK - Zing tial

Vailam cung i an thlaimi Bawipa kong na ruat bal maw? Ningzah mualpho
fahnak phuntling a tuar ee vailam ah, amah sual ruangah a si lo, Hawidawt
ṭha tein ruat hmanh, misual nangmah le keimah a kan dawt tuk ruang a si..

Dawtnak lak ah, cungnung bik Jesuh dawtnak, kan sual palhnak in
a ngan deuh, a dawtnak, ngeihthiam khawh lo mi sualnak a um lo,
Hawi dawt nang le kei zong ngeihthiam kan si Haleluiah.

Misual rual nih dekcawk len hna, maw van bawi fapa lo bang, ningzah
mualpho fahnak phuntling a tuar ee vailam ah, amah sual ruangah a si lo, hawidawt ṭha tein ruat hmanh, misual nangmah le keimah a kan dawt tuk
ruang a si..

Misual a kan dawt tuk ruangah, misual bang in an hrem, ningzah mualpho
fahnak phuntling a tuar ee vailam ah, amah ruangah a si lo, Hawidawt ṭha
tein ruat hmanh, misual nangmah le keimah a kan dawt tuk ruang a si..

KAN THAWNNAK - by Ring Zual

Jesuh Khrih ka ngeih hnu cun vawlei ta ka si ti lo
Hawi le kom cu mer tak in thil ṭha lo ka kal tak lai
Jesuh Khrih cu ka zulh lai vawlei ral cu ka doh lai
Ka doh khawh lo thil vialte cu Jesuh nih a tei dih hna

Jesuh Khrih cu kan tawnnak, Jesuh Khrih cu kan teinak
Bawipa a bochan mi cu, Zeihmanh nih a hrawk kho lo
Minung i bochan nak in, Bawipa bochan a ṭha deuh
Mi lianngan i bochan nak in, Pathian bochan a ṭha deuh

Kan hmuh khawh mi thil hna hi minung duhnak an si tawn
Taksa duhnak kan zul i Thlarau in kan hram tawn ee
Kan nunnak a hrawk kho tu Thil hna cu kan zam tak lai
Thlarau nun a temtawn tu cu Jesuh min in kan doh lai

Tawktawkawt cu an tum i Jericoah khua kulh a cim
Bawipa min in an kal i an ral vialte an tei hna
Minung thawnnak in si lo Minung ruahnak in si lo
Thiang thlarau cawnpiak na le (aw)
Pathian thawnnak hmul a si

NGAKTAH AU AW

A har Ee, hilei ah Nu Pa lo in, kan semchan hi zei hen asi hnga an ti,
bochan awk an ngei ti lo, ho maw kan caah dir lai, ti in ngaktah au
thawng cu, kikzilnem bang hrang chial mal.

Chorus
A cawm tu an um lo, akil kam tu an ngei lo, ngaktah hna, au thawng
cu na thei lo maw? ka nu ka pa aw ti'n, an auh mi cu ni hin, ngaktah
a dawt tu le, a cawm tu kha nan si.

Zanlei ni liam lai khin, semmawng rual cu, ka nu ka pa lo lam in 
tlung cang hnga maw, ti'n khawza a awih lio ah, cawm tu ngai lo ngaktah 
cu, khuaza cu an chuan na in, nu pa mui thlam leng ti lo.

Riangvai lung, kuai mi a hnem tu kapa, ngaktah hna hi, na kutnem in hruai 
hna law, NU le PA a ngaih caan ah, nang pa can ah rung dir law, sifah an ruah
zawn ah na, suirun inn in hnem ttha hna.

HODAH KAL LAI

Zumtu u nau thlarau mit in hei chuan law, BAWIPA lo chung facang an hmin
dih cang, ttuan an cu cang, siseh ttuantu an um lo, nang le kei, nih atu kan ttuan lo
cun an ziam dih sual lai.

chorus
Hlarau saltangmi hna chanchuah dingah, Unau nang-mah zawng BAWIPA nih an herh,
na chawva pek nak le na thlacam nak he, ttuan usih, caan ttha an liam hlan ah.)

Zungzal hell mei panhin thlarau thong tampi, Chanhtu ngei lo ruangah nitin
an liam, thisen man fadawt hna an si ve ko ttung, hi tin maw, kan zoh sawh
ko hna lai, tho in bawm hna usih.

Chorus
Jesuh khrih vawlei cung arat chan cu, a tlau mi kawl awk le khamh awk a si, 
hodah jesuh keneh hi  a zul ve lai, thlarau tlau tleihrian sungbik asi.

Mawi BAWIPA ka thlah ko kei mah ka kal lai, hawi bang in chim le rel thiam
hmanh hlah ning, ka ngeihmi ka chawva pek chanhnak tal in, zungzal hell mei chung
in thlarau pakhat tal khamh ve ka duh.

Chorus 
BAWIPA nih a herh na nunnak thazaang, na ngeihmi chaw va zawng atu an hal, 
thlarau tlau tlaihnak ca'h na pe lai lo maw? vun pe ko pek in na um ve lai,

VAN SIANGPAHRANG FA KAN SI

Lei mithmuh ah sai tlai lo si hmanh sih, Bawipa mihngal kan si hi a sung
lawi tuk Ee, Zeihmanh ngei lo si hmanh sih, Zeizong te ngei tu kan si, 
haleluiah van siangpahrang fa kan si.

Minau ta kan si lo, thisen cawkmi kan si, hi lei ah um hmanh sih,
hi lei mi kan si lo, sui le lungvar phuntling tamhmi, van khuapi fa
fa kan si, kapa um nak, van khuapi dawh, panh in kal mi kan si.

Lei ah harsat phungtling tong ko hmanh sih, lei harnak tei khawh lo nunthar
ngei tu kan si, kan ruahchannak cu vawlei a si lo vanah a si,haleluiah van
siangpahrang fa kan si.

Lei ah harhsat, zomhtaih tong ko hmanh sih, a poi lo an theithiam lo, vawilei
minih cun, kan sining hngal hna seh law, an kan serhsat ngam hnga lo, haleluiah van siangpahrang fa kan si.

THANGTHAT SI KO SEH

Maw kan nunnak BAWIPA min, cu thangtthat tuah, ka sining vialte zong nih,
a minthiang cu thangtthat tuah, muihnak chungin Ceunak lawm ah a ka hruai.

              (Haleluiah) Bawipa minthiang, (Amin thiang sunglawi chin seh)
              thangttha in um zungzal ko seh tiin, (Mithiang mi) Vancung mi hna
              nih an thangtthat, ka au pi chin lai, a dawtnak sung cu, Vawlei cung  khuaza,
              kip thang dih seh, Jesuh bawi a si, tiin thang dih seh, lei
              caan dongh hlan tiang,( Aminthiang hlim )thangtthat si ko seh.

Ka sualnak vialte zawng kha, a ka ngaihthiam, ka zawtnak vialte hna zawng, a ka
damter dih cang i, a mui bik mi, thlaanchung zawng in a ka khamh.

Ka nunnak cu thilttha in, a khah ter i, cu caah ka no peng i, Van lai zung mupi bang in
a ka tthawnter, Bawipa min thangtha ko seh.

Hla: https://www.youtube.com/watch?v=Z54ZrMCNkHQ