Maw hoikawm dawt tha tein ruat hmanh, na thih hnu khua zeidah na panh lai, zungzal thihnak hmun, maw zungzal nunnak, na kalnak ding lam nai fiang cang maw?
Minung hi voikhat kan thi lai I, cu hnuah biaceihnak kan tong lai, nunnak cauk chung min tial na si maw? Fa sinnak thlarau na ngei cang maw? Velngeihnak caan tha a um lio ah, Khamhnak thawngtha bia he kan in sawm, Ngaihmanh uh Pathian zaangfahnak caan le, Khamhnak hmuh caan cu tu hi a si. Voikhat lawng nu hrin simi hna cu, Thlarau taksa voikhat an thi lai, siseh Pathian bia ti le Thlarau in, voihnih hrin cu Voikhat lawng thihnak. A zawmi hna nih, ruahchanhnak he, Beth-zatha tibual cangh an hngak tawn Tak-sa thinlung, Thlarau damnak tibual, Beth-zatha Jesuh Khrih panh u sih.
Van caanan ram panh in, Thlarau hruaimi kan si, Abraham, Moses he, van holh kan hmang cang lai, minung i tial chom mi, lei member si lo in Pathian thinlung chungah, thisen tial kan si cang. Vancung member kan si, Van nun ngeitu kan si ee, Ham cia mi mo ka si Khrih he um ti dingin, Nunnak cauk chungah min tial mi vialte cu, Pathian thinlung chungah member tling kan si cang. Kan Bawipa Jesuh nih, ka ra zau lai a ti, A mi thiang hlawr dingin, chum cung in a ra lai, Cu ni kan phak tikah a van mi thiang hna he, Thangthat zaihla sa in Bawi Khrih he kan leng lai. Abraham a Pathian, cu ka Pathian a si, Sual man thihnak thong chung, um mi ka si lio ah, Jesuh Khrih kan tlang Bawi, thisen thawinak thawngin Mi luat fa ka si cang, cu biatak in ka nung. Jesuh cu kan nunnak, le ka damnak a si, Ka lungrei theih caan ah, hnemtu Bawipa a si, Hmuh khawh mi lei ram ah tling lo, sihmanhninglaw Hmuh bal lo vanram, ah tlin tertu Bawi ka ngai.
Thisen in cawk cia mi thlarau tlau mi hna nih,bawipa na mit hmai ceu dawh an hmuh khawh nak hnga,ilaijah cawm tu ah lang ah hna va bang in, Bawipa thlarau tlau mi cawm tuah ka hmang. Taksa thinlung tharau rawl tammi hna, au thawng ka theih kan bawm uh tiin, mi tampi nih tuan awk an ruah lonak hmun, fa phal lakah fa hmua ka suat ter law, ka pumh ter ko maw ka Bawipa. Khrihfa mi hna it ti hlah uh tho cang tuah uh,Kal cang tuah sehtan sal tangmi chan chuah dingah,t honginn chung sal tangmi hna sinah, Pathian bia, chim dingah a kan fial mi rian sunglawi bik a si. Bawipa na kan khamhnak thawngṭha riantuan nakah, Sui,ngun chaw va ngeih chiah, bo chanding kan ngei lo, fim thiamnak le chim thiamnak zei hmanh, kan ngei lo,Jehovajere Pathian kan umpi hram ko.
Hawidawt maw kan nunzia hi, ṭha tein ruahṭhan a herh cang, kan ngeihmi caanṭha vialte, zei tiin kan hman tawn, Vawlei cung sualnak le pumsa duhnak men ah maw, kan caanṭha kan liam ter, a tu ṭha tein ruat u sih. Hawidawt aw nang le kei nih, fak piin ruah ṭhan a cu cang, kan ngeihmi caan tawite chung ah, daithlang in um ding kan si hrim lo, bawipa nih a rianthiang ṭuantu dingah unau nang le kei a kan fial A tu, tho law ṭuan cang usih. Kan nunnak kan thazaang, kan ruahnak vialte dihlak in, Bawipa fialmi rianthiang teimak chuahin ṭuan cio u sih, kan caanṭha hna an liam hlan ah , hawidawt ṭuan ding ah i tim ve cang Kan ram le kan miphun sining vunzoh ṭhan hmanh leicung sualmui chung A taangmi an tam tuk e, hi tin maw kan zoh sawh ko hnga, Unau nang le kei nih kan ṭuan lo ahcun a ṭuantu ding a ho hmanh um lo A tu nang le kei ṭuan u sih.
Van le Vawilei zeizong vialte sertu cungnungbik, fapa ngeihchunh pe siangtu Pathian,n a dawtnak hi a sung tuk e vawlei mi kan caah, a thuk in a sang hrinhran vawlei khuaza ram kim ah, Ka au pi lai na dawtnak thawngṭha cu. Jesuh nih hi tin a chim vawlei cung, khuaza kip ah Ka thawngṭha va chim u a kan ti, thisen cawkcia Bawipa dawtnak thei lo mi hna sin ah, kan ngeihmi chawva hmang in, pawipa dawtnak thawngṭha cu kan nunnak pekin, phuang hna usih. Laimi Khrihfa kan nunzia hi hawidawt na ruat bal maw, kei cu hrinṭhan nun ka ngei kan ti , siseh mi dang ca harsatnak tuar cu kan duh lo, zumtu ṭha kan hei i ti, kan lungput nunzia zoh ah,Khrih muisam nunzia dawh a leng ti lo . Bawipa nih rianṭuan piakmi si awk ah ka ra lo, midang rian ṭuan piaktu si ding le, mi tampi tlanhnak ding ca i ka nunnak pek awk ah, vawlei ah ka ra a ti bang hawidawt kan nunnak hi, midang ca'h san tlai in hmang hna usih.
Vailam cung i an thlaimi Bawipa kong na ruat bal maw? Ningzah mualpho fahnak phuntling a tuar ee vailam ah, amah sual ruangah a si lo, Hawidawt ṭha tein ruat hmanh, misual nangmah le keimah a kan dawt tuk ruang a si.. Dawtnak lak ah, cungnung bik Jesuh dawtnak, kan sual palhnak in a ngan deuh, a dawtnak, ngeihthiam khawh lo mi sualnak a um lo, Hawi dawt nang le kei zong ngeihthiam kan si Haleluiah. Misual rual nih dekcawk len hna, maw van bawi fapa lo bang, ningzah mualpho fahnak phuntling a tuar ee vailam ah, amah sual ruangah a si lo, hawidawt ṭha tein ruat hmanh, misual nangmah le keimah a kan dawt tuk ruang a si.. Misual a kan dawt tuk ruangah, misual bang in an hrem, ningzah mualpho fahnak phuntling a tuar ee vailam ah, amah ruangah a si lo, Hawidawt ṭha tein ruat hmanh, misual nangmah le keimah a kan dawt tuk ruang a si..
Jesuh Khrih ka ngeih hnu cun vawlei ta ka si ti lo Hawi le kom cu mer tak in thil ṭha lo ka kal tak lai Jesuh Khrih cu ka zulh lai vawlei ral cu ka doh lai Ka doh khawh lo thil vialte cu Jesuh nih a tei dih hna Jesuh Khrih cu kan tawnnak, Jesuh Khrih cu kan teinak Bawipa a bochan mi cu, Zeihmanh nih a hrawk kho lo Minung i bochan nak in, Bawipa bochan a ṭha deuh Mi lianngan i bochan nak in, Pathian bochan a ṭha deuh Kan hmuh khawh mi thil hna hi minung duhnak an si tawn Taksa duhnak kan zul i Thlarau in kan hram tawn ee Kan nunnak a hrawk kho tu Thil hna cu kan zam tak lai Thlarau nun a temtawn tu cu Jesuh min in kan doh lai Tawktawkawt cu an tum i Jericoah khua kulh a cim Bawipa min in an kal i an ral vialte an tei hna Minung thawnnak in si lo Minung ruahnak in si lo Thiang thlarau cawnpiak na le (aw) Pathian thawnnak hmul a si
